Govaid sohkkii don riegadit Váhkkarin
Áiggit ledje galbmasat goikásat
Álbmoga boahteáigii darbašii Ovdagova

Buhttes jienain gullošgohttet
Láidestit juiggosiid ja juoigiid
Olggos heahppađa gárddis

Sániid nuohttat čuodjagohte
Galbmon giella gabardaddagođii
Álbmi maid haksogođii fas dajaldaddamiin

Don dološis darbbašeimmet nástiid
Jos seavdnjađin leimmet guhkkin eret ruovttus
Šerresvuoda searat dus dasa doarvái ledje

Dola birra láviimet čoahkanit
Jos leimmet čoskiidan goarranan
Liekkusvuohta maid báitet liggii olles álbmoga

Olmmoslašvuođainat eastadit álbmogat
Láhpomes deddon olbmuid moriid sisa
Gránnjáálbmogiid olbmuiguin gáimmadit nu vuohkádit

Giitu dutnje Govaid soga Váhkar
Nuohtagovaid sátnegovaid govvagovaid
Skeŋkot nu váimmolažžat midjiidda

Ruojusvuohta vuorjá go vulget fas
Muhtto Bieggabeallji geažis alu skádjet du skájat
Rávdnjeravdda asis bohtet du govat liđgot

Vuoiŋŋat ráfis Govaid soga Váhkar
Nástealmmi vuol' mii giitosiiguin du áigut juoiggađit
Dollagátiin mii muitalusaiguin du boahtit muittašit